Catro esquinas, hai fume na túa casa...
Como xogar:
Precísase un espazo que, literalmente, dispoña de catro esquinas. Se isto non ocorre, as esquinas poden ser substituídas por círculos debuxados no chan e suficientemente separados uns dos outros, formando entre todos eles un rectángulo. Un xogador/a apanda e sitúase no medio. Cada un dos círculos é a casa dun dos participantes. O que apanda diríxese a un dos xogadores/a con casa e pregúntalle:
- Hai fume na túa casa?
O interpelado/a responde:
- Non, na miña casa só hai lume! Pregunta naquela (sinala outra das casas).
Mentres tal conversa acontece, co que apanda situado preto da casa do interpelado, os outros tres participantes, a toda velocidade, intercámbianse de casa. O xogo consiste en que quen apande logre entrar nunha das casas no preciso momento -mínimo- en que esta estea baleira.