Á marxe dos modernos escorregadoiros dos parques infantís, o catálogo lúdico popular ofrécenos os escorregadoiros naturais, pequenas costas que posibilitan a oportunidade de se esvarar por elas. Para que escorregar sexa máis fácil, os nenos/as que poñen en práctica este xogo soen sentar no pico da costa apoiándose nunha táboa ou nunha lastra que faga máis doada a actividade e que salvagarde a cueira do pantalón. Nas primeiras idades, como sucede coa maior parte da actividade lúdica, é precisa a participación dunha persoa adulta.